БҮТЭЭГДЭХҮҮН ҮЙЛЧИЛГЭЭНИЙ ЕРӨНХИЙ НӨХЦӨЛ

Энэхүү Бүтээгдэхүүн үйлчилгээний ерөнхий нөхцөл (цаашид БҮЕН гэх) нь “Кэйш флов финанс” ХХК (цаашид ББСБ гэх) -ийн “Tugrug аппликэйшн” -д хандаж буй зээл хүсэгч болон зээлдэгч (цаашид Хэрэглэгч гэх) –ийн тодорхой мэдээллийг “Tugrug аппликэйшн” -д хүлээн авах, хадгалах, уг БҮЕН -д заасан зорилгоор ашиглах, таны ирүүлсэн мэдээллийн дагуу боловсруулалт хийх эрхийг ББСБ –д олгох эрх зүйн үр дагавар бүхий хууль зүйн баримт бичиг юм.

Иймд та энэхүү үйлчилгээний нөхцөлтэй сайтар танилцаж, зөвшөөрөх эсэхээ шийдэхийг зөвлөж байна. Та “Tugrug аппликэйшн” -д таны бүртгүүлсэн гар утасны дугаарт илгээсэн 4 оронтой баталгаажуулах кодыг “БАТАЛГААЖУУЛАХ КОД” хэсэгт оруулан “БАТАЛГААЖУУЛАХ” товчлуурыг дарсан бол таныг уг үйлчилгээний нөхцөлийг хүлээн зөвшөөрч гарын үсэг зурсан хэмээн үзнэ.

Та “Tugrug аппликэйшн” -ийг “Google play store” болон“App store”-с татан авч өөрийн мэдээллээ бүртгүүлэн баталгаажуулснаар манай аппликэйшнийг ашиглах боломжтой болно. 

Бүртгүүлэх мэдээлэлд:

Гар утасны дугаар

Овог, нэр

Регистрийн дугаар

Имэйл хаяг

1. Та энэхүү үйлчилгээний нөхцөлийг зөвшөөрснөөр “Кэйш Флов финанс” ХХК-нд дараах зөвшөөрөл болон эрхийг олгох болно.

Үүнд:

1. Таны үүсгэсэн, дамжуулсан хувийн болон санхүүгийн мэдээллийг хүлээн авч, хадгалах.

2. Таны үүсгэсэн, дамжуулсан хувийн болон санхүүгийн мэдээлэлд хиймэл оюун ухааны тусламжтайгаар дүн шинжилгээ хийх, тэдгээрийн үнэн зөвийг шалгаж баталгаажуулах.

3. Таны үүсгэсэн, дамжуулсан хувийн болон санхүүгийн мэдээллийг зээлдэгчид олгох зээлийн хэмжээ, нөхцөлийг тодорхойлох, хэрэв танд зээл олгохоор шийдвэрлэсэн тохиолдолд байгуулах зээлийн гэрээний төслийг боловсруулахад ашиглах.

4. Таны фейсбүүкийн нэр, ID, имэйлийг бүртгэж мэдээллийг энэхүү үйлчилгээний нөхцөлд заасан зорилгоор дүн шинжилгээ хийхэд ашиглана. 

5. Хэрэглэгч та гаргасан хүсэлтээ устгуулахыг хүсвэл “Tugrug аппликэйшн”фейсбүүк хуудас болон  info@tugrug.app имэйл-рүү хүсэлт илгээнэ.

6. БҮЕН -д заасан журмын дагуу цуглуулсан мэдээллийг “Кэйш флов Финанс” ХХК-ний “Tugrug аппликэйшн”–ий үзүүлэх үйлчилгээний чанар, хүртээмжийг сайжруулах, шинэ бүтээгдэхүүн гаргахтай холбоотойгоор дотоод хэрэгцээнд ашиглах ба түүнчлэн “Tugrug аппликэйшн”болон түүний хиймэл оюун ухааныг хөгжүүлэхэд ашиглана.

2. Та “Tugrug аппликэйшн” –д хувийн болон санхүүгийн мэдээллээ оруулахдаа дараах үүрэг хүлээнэ:

Үүнд:

1. Хуурамч мэдээлэл оруулахгүй байх.

2. Бусдын хувийн болон санхүүгийн мэдээлэл оруулахгүй, 

3. Хүний хувийн мэдээллийг хамгаалах тухай хууль болон бусад аливаа хууль тогтоомжийг зөрчихгүй байх .

3. Хэрэв Та энэхүү Үйлчилгээний нөхцөлийн “2.”-д заасныг зөрчин мэдээлэл оруулсан нь тогтоогдсон тохиолдолд “Кэйш Флов Финанс” ХХК нь зээлийн гэрээ байгуулахаас татгалзах эрхтэй.

4. Та өөрийн хууль бус үйлдлийн улмаас тухайн мэдээллийн өмчлөгч, эзэмшигч болон “Кэйш Флов Финанс” ХХК-д учруулсан аливаа гэм хор, хохирлыг бүрэн хариуцна.

5. “Кэйш Флов Финанс” ХХК нь мэдээллийн аюулгүй байдлыг хангах, “Tugrug аппликэйшн” –ийг зүй бусаар, эсхүл хууль бус зорилгоор ашиглахаас урьдчилан сэргийлэх зорилгоор аппликейшнд хандах хандалт, хийж байгаа аливаа үйлдлийн түүхийг хадгалах, түүнийг хуулийн хүрээнд ашиглах эрхтэй.

6. Зээлийн нөхцөл:

1. Зээлийн дүн: 50,000 MNT – аас 1,500,000 MNT

2. Зээлийн эргэн төлөлт: Таны сонголтоор буюу  60, 90 хоног(Авч буй зээлийн дүн болон бүтээгдэхүүний төрлөөс хамаарч)

3. Зээлийн хүүг Зээлдэгчийн зэрэглэлээс хамааран ББСБ тогтооно.

4. Зээл нь хэрэглээний зориулалттай байна.

5. Мөн ямар ч хугацаатай зээл авсан тухайн зээлээ 6 хүртэл удаа сунгах эрхтэй. Зээлдэгчийн зэрэглэлээс хамааран зээлийн хугацаа сунгах тоог шийдвэрлэж болно.

7. Кэйш Флов Финанс” ХХК-ний “Tugrug аппликэйшн” -ний эрх, үүрэг.

1. Хэрэглэгчийн хувийн мэдээллийн өөрчлөлтийг Монгол улсын бүртгэлийн ерөнхий хуульд заасны дагуу Монгол улсын бүртгэлийн эрх бүхий байгууллагаас гаргуулан авах;

2. Хэрэглэгчийг хууль тогтоомж, гэрээгээр хүлээсэн үүргээ биелүүлэхийг шаардах, шаардлагыг хангаагүй нөхцөлд гэрээг цуцлах;

3. “Кэйш Флов Финанс” ХХК нь дараах тохиолдолд урьдчилан сануулалгүйгээр зээлжих эрхийг түр хаах, шаардлагатай бол гэрээг дуусгавар болгоно. 

Үүнд, зээлдэгч нь:

1. Гэрээгээр хүлээсэн үүргээ удаа дараа зөрчсөн;

2. Зээлийг хууль бус үйл ажиллагаанд ашигласан;

3. Худал мэдээлэл өгсөн;

4. Хууран мэхэлсэн;

5. “Кэйш Флов Финанс” ХХК-ийн үйл ажиллагаанд саад учруулсан;

6. “Tugrug аппликэйшн” –ийг бусад хэрэглэгчдэд хортой, зүй зохисгүй байдлаар ашигласан;

7. Хэрэглэгчийн эрх зүйн чадвар, чадамжгүй болсон;

8. Хууль, хяналтын байгууллагаас ирсэн мэдэгдлийг үндэслэн зээлдэгчийн зээлийн эрхийг хаах, шаардлагатай тохиолдолд зээлийн эрхийг түр хаах болон цуцлах;

8. Хэрэглэгчийн мэдээллийн нууцлал: “Кэйш Флов Финанс” ХХК нь таны оруулсан хувийн болон санхүүгийн мэдээллийг энэхүү үйлчилгээний нөхцөлд зааснаас бусад зорилгоор ашиглахгүй, бусдад задруулахгүй байх үүрэгтэй. Мөн мэдээллийн нууцлалыг хамгаалах үүрэг хүлээнэ.

1. “Tugrug аппликэйшн” программ хангамж нь Хэрэглэгчийн үндсэн мэдээлэл, зээлийн болон эргэн төлөлтийн талаарх мэдээллийг автоматаар серверт архивлан хадгалах ба цаасан баримтыг архивд хадгална.

2. “Tugrug аппликэйшн”программ хангамж, систем нь Хэрэглэгчийн мэдээллийн нууцлалыг хамгаалахуйц техникийн нөхцөлийг бүрэн хангасан байна. Үүнд хэрэглэгчийн хувийн мэдээллээс гадна ББСБ-аас авч буй үйлчилгээтэй холбоотой бүхий л мэдээллийг хамруулан ойлгоно.

3. Хэрэглэгчийн зөвшөөрлийн дагуу цуглуулсан мэдээллийг Үйлчилгээний нөхцөлийн 1 болон 5–д зааснаас өөрөөр ашиглах, гуравдагч этгээдэд задруулахыг хориглох ба мэдээллийн нууцлалыг хамгаалах үүрэг хүлээнэ.

4. Хэрэглэгч “Tugrug аппликэйшн” -ийгтатан авч, бүртгүүлэх болон ашиглах үед өөрийн мэдээллийн нууцлал хангахыг хэрэглэгчид сануулж, Хэрэглэгчтэй байгуулах гэрээнд энэ талаар тодорхой тусгасан байх ба Хэрэглэгч нь дараах үүрэгтэй. Үүнд: (апп дээр сануулага гарч ирж байх ёстой юм байна.)

1. Хэрэглэгч Аппликэйшнд хандах нэвтрэх нэр, нууц үг, гүйлгээний нууц кодыг гуравдагч этгээдэд дамжуулахгүй байх;

2. Хэрэглэгч “Tugrug аппликэйшн” -д оруулж зээлийн мөнгийг хүлээн авч буй дансныхаа хандах нэвтрэх нэр, нууц үг, гүйлгээний нууц кодыг гуравдагч этгээдэд дамжуулахгүй байх, нууцлалыг хадгалах;

3. Хэрэглэгч Танилт нэвтрэлтийн нэгдсэн системд нэвтрэх нэр, нууц үгийг гуравдагч этгээдэд дамжуулахгүй байх, нууцлалыг хадгалах;

4. Хэрэглэгчийн гүйлгээний нууцлалын тохиргоог өөрчилсөн тохиолдолд тухайн өөрчлөлтөөс үүдэн бий болсон, өөрөөс хамаарсан асуудал, үр дагавар, хохирлыг бие даан хариуцах;

5. Нэвтрэх нууц үг, гүйлгээний нууц кодоо үрэгдүүлсэн, хулгайд алдсан, өөрийн зээлийн дансанд эрх олгогдоогүй шилжүүлэг хийгдсэн тухай мэдсэн, өөрийн зээлийн эрхтэй холбоотой бүртгэлийн аливаа алдаа, зөрчил дутагдлыг илрүүлсэн болон өөрийн нууц код, бусад кодыг эрх олгогдоогүй гуравдагч этгээд мэдсэн байж болзошгүй тухай сэжиглэж байвал нэн даруй нэвтрэх нууц үг, гүйлгээний нууц кодоо солих, “Кэйш Флов Финанс” ХХК-д мэдэгдэх;

6. БҮЕН -д заасан үүргийг биелүүлээгүйн улмаас болон биелүүлсэн ч хугацаа алдсаны улмаас үүссэн хохирлыг хэрэглэгч өөрөө бүрэн хариуцах;

7. Хэрэглэгч нь “Tugrug аппликэйшн”–д ашиглагдах нэвтрэх нэр, нууц үг, гүйлгээний нууц код болон бусад мэдээллийн нууцлалыг хадгалах, өөрийн буруутай үйл ажиллагаанаас тус мэдээллүүд алдагдсан тохиолдолд хариуцлагыг хэрэглэгч өөрөө бүрэн хүлээх;

5. Үйлчилгээ авсан болон авч байгаа хэрэглэгчийн баталгаажсан мэдээллийг хэрэглэгчийн зөвшөөрөлгүйгээр устгах, солих боломжгүй байна.

6. Үйлчилгээ авахаас өмнө татгалзсан хэрэглэгч бүртгэлээ устгуулах хүсэлтийг бичгээр гаргасан тохиолдолд ажлын 10 хоногт багтаан хэрэглэгчийг идэвхгүй төлөвт оруулах ба дахин бүртгүүлэх боломжгүй болгох үүднээс регистрийн дугаар, утасны дугаар, овог, нэрийн бүртгэлээс бусад мэдээллийг устгана.

9. БҮЕН -д өөрчлөлт оруулж болох бөгөөд энэ тохиолдолд уг өөрчлөлтийн талаар таны “Tugrug аппликэйшн” –д мэдэгдэнэ. Мэдэгдлийг хүлээн авснаас хойш хуанлийн 7 өдрийн дотор хариу мэдэгдээгүй тохиолдолд уг өөрчлөлтийг хүлээн зөвшөөрсөн гэж үзнэ.

10. Энэхүү БҮЕН–г Та хүлээн зөвшөөрч “Tugrug аппликэйшн” –д өөрийн санхүүгийн мэдээллийг үнэн зөв бөглөнө. Цаашлаад хувийн болон санхүүгийн мэдээллийг үнэн зөв гэдгийг ЗӨВШӨӨРӨХ товчыг дарж баталгаажуулна. Хэрэв хэрэглэгч та “Tugrug аппликэйшн” –д өөрийн санхүүгийн мэдээллийг худал бөглөсөн тохиолдолд “Кэйш Флов Финанс” ХХК-ийн зүгээс гэрээ байгуулахад татгалзах шалтгаан болж болно. Энэ тохиолдолд Таны хохирлыг “Кэйш Флов Финанс” ХХК-ний зүгээс хариуцахгүй болохыг анхаарна уу.

Та энэхүү БҮЕН –г хүлээн зөвшөөрч, “Tugrug аппликэйшн” –ийг ашигласан нь та болон “Кэйш Флов Финанс” ХХК-ний хооронд зээлийн гэрээ байгуулсан, эсхүл “Кэйш Флов Финанс ХХК нь танд зээл олгох амлалт өгсөн, гэрээ байгуулах санал гаргасан, эсхүл уг саналыг хүлээн зөвшөөрсөн гэж үзэх үндэслэл болохгүй. Түүнчлэн энэхүү үйлчилгээний нөхцөл нь уг нөхцөлд тусгайлан дурдсанаас бусад асуудлаар “Кэйш Флов Финанс” ХХК-ний эсрэг ямарваа нэг шаардлага гаргах эрхийг танд олгохгүй болно.

Та “Tugrug аппликэйшн” –д таны бүртгүүлсэн гар утасны дугаарт илгээсэн 4 орон баталгаажуулах кодыг “БАТАЛГААЖУУЛАХ КОД” хэсэгт оруулан “БАТАЛГААЖУУЛАХ” товчлуурыг дарсан бол таныг уг үйлчилгээний нөхцөлийг хүлээн зөвшөөрсөн, гарын үсэг зурсан хэмээн үзнэ.

Хэрэв Та энэхүү үйлчилгээний нөхцөлийг зөвшөөрөхгүй байгаа бол “Х” товчлуурыг дарна уу. Энэ тохиолдолд “Кэйш Флов Финанс” ХХК -ийн “Tugrug аппликэйшн” –ийг ашиглах боломжгүй болохыг анхаарна уу. 

Иймээс та энэхүү үйлчилгээний нөхцөлтэй сайтар танилцаж, зөвшөөрөх эсэхээ шийднэ үү.

“КЭЙШ ФЛОВ ФИНАНС” ХХК